Indi matupungan ang kalipay nga nabatyagan sang mga faculty staff sang West Visayas State University (WVSU) College of Law matapos nga nakahimo sang 12 ka bag-o nga mga lawyers sa 2024 Bar Exam.
Sa interview sang Bombo Radyo kay Atty. Ian Thomas Besana, Associate Dean sang WVSU- College of Law, iya ginpahayag nga tuman ang iya kalipay matapos nga ang Pioneer batch, ang Batch Banaag, nakakuha sang 92.31% nga passing rate.
Suno kay Besana, ini ang labing-una nga kahigayonan nga nagkuha ang unibersidad sa amo nga pasinawan .
Ginlaragway man sini nga isa ka “very very good” percentage ang nangin resulta sang examination.
Gin-ako man sang natungdan nga bisan sila ang na-pressure, bangud ang buluthuan ang kilala bilang “center of execellence” sa Western Visayas.
Excited man si Besana nga i-welcome ang bag-o nga mga abogado sa ila legal profession nga dala ang pangalan sang West Visayas State University.
Bangud diri, ginkilala ang unibersidad bilang Top 1 Best Performing School sa 2024 Philippine Bar Examinations.
