Napuno sang kasanag kag kasadya ang ginpatigayon nga Opening of Lights & Fireworks Display sa Iloilo Provincial Capitol.
Sa interview sang Bombo Radyo kay Iloilo Governor Arthur Defensor Jr., iya ginpahayag nga ang desinyo sang lights subong ang para sa tagsa ka pamilya nga Ilonggo ilabi na sa mga kabataan.
Gin-abi-abi man sang gobernador si Department of Education (DEPED) Secretary Sonny Angara nga nagserbe nga guest of honor sang kahiwatan.
Suno kay Defensor, indi lamang ang lokal nga komunidad ang nakakita sang desinyo bangud, ginabantayan man ini sa bug-os nga kalibutan.
Nahibaluan nga naglab-ot sa P4,010,046 ang balor sang Christmas lights and decorations ang ginpahamtang sa Iloilo Provincial Capitol subong nga tuig.
