Ginalauman sang Department of Public Works and Highways-Region 6 (DPWH-6) nga mabaton ang geotechnical study sang Aganan Flyover buwas nga adlaw.
Ini kasunod man sang natapos na sang third party consultant ang pagtuon.
Sa interview sang Bombo Radyo kay Engineer Sanny Boy Oropel, Regional Director sang Department of Public Works and Highways Region 6, iya ginpahayag nga natapos na ang geotechnical study apang, inog-submit pa lang ini apisar nga nangako sila nga magapasa sang nagligad nga Disyembre 15.
Suno kay Oropel, natapos na nila ang desinsyo apang wala pa mapasa bangud nagapabilin ini sa finalization stage.
Gin-athag man sini nga wala sang concern nga dapat kabalak-an sa tunga nga bahin sang Aganan Flyover bangud ini ang redesign lang ini from concrete to steel.
Ginpahayag man sang natungdan nga gin-redesign indi bangud nga indi madala sang flyover, bangud gin-redesign ini agud nga makabulig sa traffic sa lugar.
