Gina-finalize na sang Iloilo Festivals Foundation Incorporated (IFFI) ang mga tribu nga magapasakop sa ILOmination sang Dinagyang Festival 2025.
Sa interview sang Bombo Radyo kay Ms. Joyce Clavecillas, Executive Director sang Iloilo Festivals Foundation Incorporated, iya ginpahayag nga may yara na sila sang inisyal nga listahan sang magapasakop apang indi pa ini pinal.
Nagpasalig man ini sa publiko nga iga-anunsyo kon makompleto kag final na ang mga contenders.
Suno kay Clavecillas, maga-perform ang Dinagyang ILOmination group apang wala ini nalakip sa mga competing tribes.
Ginpahayag man sini nga target sang talatapan ang 5 tubtob 6 ka mga grupo sa amo nga kahiwatan.
Gin-imbitaran man sang talatapan ang pila ka mga local government sang probinsya sang Iloilo agud nga magpartisipar sa kahiwatan.
