Dead on arrival sa hospital ang isa ka tricycle driver matapos nga gintiro sang chief tanod sa Brgy.Gines, Zarraga, Iloilo.
Ang biktima amo si Noel Abarca 38-anyos, tricycle driver sang Brgy. Jalaud Sur, Zarraga.
Ang suspek amo si Ireneo Sintos Jr., 48-anyos, kag chief tanod sang Brgy. Gines, Zarraga.
Sa interview sang Bombo Radyo kay Police Captain Dandy Ilalto, chief of police sang Zarraga Municipal Police Station, iya ginpahayag nga lunsay nagtambong ang duha sa Christmas Party nga ginhiwat sa Hacienda Fe, Brgy. Sambag, Zarraga.
Suno kay Ilalto, wala nag-intindihanay ang duha bangud man sa mga malain nga tinaga nga ginbuy-an sang biktima batok sa suspek.
Ginpahayag man sini nga nagpauli pa ang suspek, apang sa amo nga tion, nagkuha na ini sang pusil kag ginbantayan ang biktima sa dalan.
Gindala pa sa Don Jose S. Monfort Medical Center sa Barotac Nuevo ang biktima apang gilayon man nga ginbawian sang kabuhi.
Nakuha sa suspek ang 12-gauge homemade shotgun matapos ini nga naaresto sang otoridad.
