Liwat nga nagpanawagan si Iloilo City Mayor Jerry Treñas sa mga telecommunications company nga himuson ang ila mga linya nga yara sa gihapon sa mga poste sa Iloilo City.
Sa interview sang Bombo Radyo Ms. Joy Fantilaga, spokesperson ni Mayor Treñas, iya ginpahayag nga ang ginhatag nga extension para sa mga telco companies ang pinal na kag wala na sang dugang pa.
Suno kay Fantilaga, may mga pila ka telco ang nagpangayo sang extensions sa alkalde agud nga makakas ang ila linya, kon sa diin, naghatag ini sang tubtob sa kataposan nga adlaw sang Disyembre.
Ini apisar sang una nga deadline nga ginhatag sang alkalde nga December 16.
Gin-athag man sini nga ang mga kompanya nga wala nagpangayo sang extension paagi sa sulat ang mahimo na nga utdon ukon baklason ang ila mga linya sa tagsa ka poste.
Nagalaum man ang alkalde sang kooperasyon sang mga kompanya agud nga matigayon ang pagpatuman sang underground cabling sa syudad.
