Opisyal na nga nagsugod ang 2024 Regional State Colleges and Universities Athletic Association (RSCUAA) Sports Festival sa pagpanguna sang Iloilo State University of Fisheries Science and Technology (ISUFST).
Ini ang nagsugod subong nga adlaw, Disyembre 15 tubtob 20 nga may tema “One Western Visayas: Promoting Peace, Inclusivity, and Well-being through Sports”.
Sa interview sang Bombo Radyo kay Dr. Nordy Siason, President sang ISUFST, iya ginpahayag nga dako ini nga pagpanghangkat bangud ini ang labing-una nga ti-on nga maga-host ang nasambit nga eskwelahan sa RSCUAA kag ulihi nga ti-on nga magapartisipar ang mga State Universities gikan sa Negros Island Region.
Suno kay Siason, ang RSCUAA ang pagasakupan sang 3,500 ka mga athletes, coaches, officials, kag organizers halin sa 13 ka State Universities sa bilog nga Westen Visayas nga ginalakipan sang: Aklan State University, Capiz State University, Carlos Hilado Memorial State University, Guimaras State University, Iloilo Science and Technology University, Iloilo State University nof Fisheries Science and Technology, Northern Iloilo State University, Philippine Normal University-Visayas, State University of Northern Negros, University of Antique, University of the Philippines-Visayas, kag West Visayas State University.
Suno naman kay Dr. Bobby Gerardo, Regional Association of State Universities and Colleges (RASUC) VI President, ang anum ka adlaw nga RSCUAA Sports Festival ang may yara sang 42 ka events sa 22 ka venues kun sa diin 9 ka events ang pagahiwaton sa syudad sang Iloilo:
•Iloilo Sports Complex
- Athletics
- Football
- Lawn Tennis
- Swimming
- Table Tennis
•Gaisano City
- Badminton
- Billiards
•ISAT-U, Lapaz
- Futsal
- Pencak Silat
Samtang ang iban naman nga events ang pagahiwaton sa banwa sang Barotac Nuevo, Anilao, Dumangas, kag Passi City.
