Ginakabig sang isa ka pamilya sa Brgy. Guintas, Barotac Nuevo, Iloilo nga pinakamatahum nga regalo para sa ila ang malawig nga kabuhi nga ginbugay sang Diyos sa ginakabig nila nga iwag sang puluy-an.
Ini amo si Loreta Beduria Batisla-ong nga nagselebrar sang ika-100 nga kaadlawan sang Disyembre 10.
Sa interview sang Bombo Radyo sa Ilongga centenarian, iya ginpahayag nga nalipay gid siya nga nakalab-ot siya sa amo nga edad.
Suno sa iya, ginbugayan siya sang Diyos sang malawig nga kabuhi bangud sa iya pagka-mapinangamayuon.
Pahayag man niya,, wala man siya ginapabay-an sang iya pamilya kag mabatyagan gid niya ang iya pagpalangga.
Dugang sini nga isa man sa nagapapagsik sa iya kada adlaw kag posible rason man sang iya malawig nga kabuhi amo ang pagpamati sa Bombo Radyo humalin sign-on tubtob sign-off kag antes ini magtulog, nagaupod gid sa pagpangadi sang Santo Rosaryo sa Bombo.
