Ginrekomendar ni House Speaker Martin Romualdez ang pagtukod sang mega panel task force agud nga malagas ang manipulators sa presyo sang bugas amo man ang dalok nga traders.
Ginhimo ang proposal kasunod sang nadiskubrehan sang House ways and means committee nga may makaalarma nga mga ebidensya sa collusion kag price manipulation sa industriya sang bugas bisan pa nga may reports sang oversupply kag apisar pa nga ginbuhinan na ang import tariffs.
“The Filipino people are paying unnecessarily high prices for rice, which should now be at P35 to P40 per kilo due to oversupply and tariff reductions,” kabahin sang statement sang speaker. “This blatant manipulation is unacceptable.”
“We will not allow this exploitation to continue. The House of Representatives will dismantle this cartel, ensure accountability, and protect both consumers and our farmers,” dugang sini.
Suno kay Romualdez, ang task force ang mahimo bug-usan sang DA, Department of Justice, National Bureau of Investigation, Bureau of Customs, Bureau of Internal Revenue, kag Department of Trade and Industry.
Dugang sang Speaker, dapat nga may gahum ang task force nga magpatigayon sang inventories, mag-check sa compliance sa layi sa buwis, mag-inspect sa mga warehouse, kag gilayon nga mag-padlock sang business establishment nga nagalapas sa pagsulundan.
Ginduso man sang Speaker nga magpasa ang taskforce sang bulanan nga report sa Kongreso bilang kabahin sang oversight functions.
Sa iya statement, nagpanawagan man si Romualdez sa DOJ kag sa Philippine Competition Commission nga mag-conduct sang formal investigation sa posible nga existence sang rice cartel diri sa pungsod.
