Patay ang mag-asawa kag ang ila 14-anyos nga bata sa sulod sang ila balay matapos gintiro sang isa ka tawo nga wala nila ginpautang sa Camotes Island, Cebu.
Base sa imbestigasyon sang otoridad, gintiro sa ulo ang mga biktima sa ila balay sa banwa sang San Francisco.
Nakaluwas naman ang isa pa nila ka anak nga nagsugid nga nangutang ang suspek sa iya iloy apang nagpamalibad ini nga nagresulta sa pagpangakig sang suspek kag ginhimo ang krimen.
Padayon pa ini nga ginapangita sang otoridad matapos nagpalagyo kasunod sang insidente.
