Ginsuguran na sang korte sa Argentina ang hearing sa kaso sang napatay nga One Direction member nga si Liam Payne.
Kabahin sa ginaimbestigaran ang duha ka bag-o nga mga indibidwal nga gin-charge sang nagligad nga semana kag tatlo ka iban pa nga ginpatawag sang korte para magsabat sang mga pamangkot.
Base sa impormasyon, gin-implicate ang hotel manager nga si Gilda Martin kag reception chief nga si Esteban Reynaldo Grassi kun sa diin gin-schedule ang ila testimoniya paagi sa Zoom.
Ginpatawag man ni Judge Laura Bruniard sa korte ang manager nga si Rogelio Nores, waiter nga si Braian Paiz, kag hotel employee nga si Ezequiel Pereyra para usisaon.
Matandaan nga napatay si Payne matapos nahulog ini gikan sa iya hotel room balcony sa Buenos Aires sang October 16.
