Maga-obra sang pamaagi ang Philippine Health Insurance Corporation (PhilHealth) agud masiguro nga mahatagan sang maayo nga serbisyo sa ikaayong lawas ang 115 million nga miyembro sini sa 2025, apisar wala ang multi-billion-peso nga subsidy nga gin-cut sang Kamara sa ila ginaproponer nga badyet para sa masunod nga tuig.
Ini ang ginpahayag ni PhilHealth President kag CEO Emmanuel Ledesma sa isa ka press conference sang Martes, pila ka adlaw matapos aprobahan sang Kongreso ang P6.325-trillion nga national budget. Wala na-appeal sa nasambit nga badyet ang P74 billion nga subsidy para sa PhilHealth bangud nga may yara ini sang P600-billion nga reserba nga pondo.
Suno kay Ledesma, tanan nga benepisyo sang PhilHealth pagabayaran gihapon, ilabi na ang mga benepisyo para sa mga miyembro nga nagakinahanglan sini, pareho sang mga senior citizens, mga indigents, mga may kapansanan, mga nagbalik-loob nga rebelde, kag iban pa nga marginalized sectors.
Dugang pa ni Ledesma, tubtob Oktubre 2024, may yara ang PhilHealth sang sobra nga P150 billion nga pondo, kag kabug-usan nga reserba nga P281 billion.
Dugang pa sini, may investment pa nga nagabalor sang malapit sa P489 billion tubtob Nobyembre 2024.
