Sa labing-una nga tion subong nga season sa National Basketball Association (NBA), atubangon ni Karl-Anthony Towns ang iya former team nga Minnesota Timberwolves.
Magapangayaw si Towns kag ang bag-o sini nga team nga New York Knicks sa Minneapolis 10:30 subong nga aga oras sa Pilipinas.
Antes sini nga hampang, siyam ka season nga fan favorite si Towns sa Timberwolves nga may 573 games kag may average nga nga 22.9 points kag 10.8 rebounds per game.
Apang gin-trade siya sang Wolves sa Knicks kabaylo sang package nga nagalakip kanday Julius Randle, Donte DiVincenzo kag isa ka first-round pick sa 2025.
Sa New York naman, may average si Towns nga 24.8 points kag may career-best nga 13.9 rebounds.
Sa 15 ka hampang sang Knicks subong nga season, 11 ang ila nadag-an, samtang ang Timberwolves naman ang may 14-11 nga record.
Nagapanguna sa Wolves si Anthony Edwards nga may 26.2 points per game. Sa Knicks, pinakabalantayan si Jalen Brunson nga may 25.0 points per game sa 48.9 percent shooting nga ginasundan ni Towns sa scoring.
