Gin-akusaran sang Human Rights Watch (HRW) ang Israel nga nagakomiter sang mga aktwasyon sang genocide sa Gaza paagi sa pag-utod sang suplay sang tubig.
Suno sa international non-governmental organization, ginhungod sang Israel ang paghalit sa water kag sanitation infrastructure samtang nga nagapadayon ang giyera. Lakip dira ang solar panels nga amo ang nagapaandar sa treatment plants, reservoir, kag spare parts warehouse. Ginpahayag nga ginbalabagan man ang gatong nga gamiton para sa generators.
Sa report sang grupo, ginsiling man nga gin-utod sang Israel ang electricity supplies, gin-atake ang repair workers, kag ginpunggan ang pagsulod sang repair materials sa Gaza.
Ginpahayag man sang campaign group nga amo ini ang posible gintunaan sang kamatayon sang linibo ka mga tawo — bagay nga gintawag nga “crime against humanity of extermination”.
“This isn’t just negligence,” suno kay HRW executive director Tirana Hassan. “It is a calculated policy of deprivation that has led to the deaths of thousands from dehydration and disease that is nothing short of the crime against humanity of extermination, and an act of genocide.”
Ini nga report sang organisasyon ang ginbase sa interviews sa Palestinians nga yara sa Gaza lakip na ang naga-trabaho mismo sa water authority offices, sanitation experts kag healthcare workers, amo man sa satellite imagery kag data halin sang October 2023 tubtub sang September 2024.
Gilayon nga nagsabat ang Israel kag gintawag nga “propaganda” ang report sang HRW kag malayo sa kamatuoran.
“This report is full of lies that are appalling even when compared to HRW’s already low standards,” suno sa ministro sang Israel.
Halin sang nagsugod ang military offensive sang Israel sa Gaza bilang pagtimalos sa pagpang-atake sang Hamas sang Oktubre 7, 2023, nagdangat na sa 45,129 ka mga Palestinian ang nagkalamatay santo sa record sang Gaza Health Ministry.
Antes ang report sang campaign group, ginatun-an na sang nagapanguna nga korte sa United Nations nga amo ang International Court of Justice (ICJ) ang kaso nga ginpasaka sang South Africa nga naga-akusar man sa Israel sa paghimo sang genocide.
(Photo: Majdi Fathi/NurPhoto via Getty Images)
