Nagpalab-ot na sang koordinasyon ang Department of Public Works and Highways Region 6 (DPWH 6) sa Iloilo City Traffic Management Unit (ICTMU) may kaangtanan sa pagbukas sang Ungka Flyover sa Disyembre 23.
Sa interview sang Bombo Radyo kay Ret. Police Colonel Uldarico Garbanzos, head sang Iloilo City Traffic Management Unit, iya ginpahayag nga may patigayunon nga ‘house cleaning’ sa Ungka Flyover sa Disyembre 22, isa ka preparasyon sa pagbukas sini.
Suno kay Garbanzos, nag-imbitar man ang DPWH 6 sang pari para sa blessing program antes buksan ini sa publiko sa iya full capacity.
Ginpahayag man sang natungdan nga isa ini ka maayo nga pag-abi-abi kag isa ka development sa bahin sang ila talatapan.
Nagapati man si Garbanzos nga ang pagbukas sang flyover ang makahatag sang mas madasig nga traffic pasulod sa Iloilo City.
