Magapanumpa na sa Lunes, Disyembre 23 si former Iloilo City Public Order and Safety Management Office (PSTMO) head Mr. Jeck Conlu bilang Assistant Regional Director sang Land Transportation Office (LTO) VI.
Sa interview sang Bombo Radyo kay Conlu, iya ginkumpirma nga nabaton na niya ang imbitasyon agud nga mag-take oath bilang bag-o nga Assistant Regional Director sang LTO VI.
Suno kay Conlu, magasumpa siya Central Office sa Kaupo sanday Executive Secretary Lucas Bersamin, Department of Transportation (DOTr) Secretary Jaime Bautista kag LTO Chief Assistant Secretary Atty. Vigor D. Mendoza II.
Nakadependi naman kay LTO 6 Director Atty. Gaudioso Geduspan ko ano ang iya mangin katungdanan sa talatapan.
Nahibaluan nga Oktubre 1, 2024 sang nagsugod si Conlu trabaho sa amo nga talatapan kon sa diin, gin-obliga sini ang pag-release sang mga plate numbers.
Halos 10 ka tuig naman nga nangin kabahin si Conlu sang Iloilo City Public Order and Safety Management Office.
