Plano ni Iloilo City Mayor Jerry Treñas nga magpatuman sang mandatory drug tests para sa tanan nga security guards sa syudad.
Suno kay Treñas, ginatun-an pa subong ang ini nga plano agud manduan ang mga security agencies nga himuon nga isa sa mga rekisitos ang drug test sa mga luyag magtra baho bilang gwardiya.
Handa naman ang syudad nga mag- provide sang drug test kits sa tagdumalahan sang security agencies.
May kaangtanan ini sa pila ka reports nga nabaton sang alkalde nga may mga security guards, partikular ang yara sa mga bars, nga involved sa iligal nga aktibidad kaangay sang pagbaligya sang druga.
Una diri, nagpanawagan ang Iloilo City Police Office sa mga tag-iya sang bars nga ipaidalom ang ila mga empleyado sa amo nga test.
