Ginalauman sang pila ka mga seller sang palupok nga sa paghilapit pa sang bag-ong tuig magadugok ang mga manugbakal.
Sa interview sang Bombo Radyo kay Blanquia Biceda, tindera sang palupok, iya ginpahayag nga mas nangin maayo ang baligyaanay sang palupok subong nga tuig kon ikumpara sa nagligad nga tuig.
Suno kay Biceda, mas mabakal subong ang trianggulo kag kwitis apang mas nagalaum pagid siya nga mangin mabakal ini samtang nagapalapit ang bag-ong tuig.
Ginpahayag man sini nga wala na sang tsansa pa nga magtaas ang presyo kag magapabilin ini tubtob magtakop ang tuig.
Nahibaluan nga nagsugod ang natungdan sa pagbaligya sa Muelle Loney sang Disyembre 20.
