Natumod na sang Pototan Municipal Police Station ang suspek sa pagtiro-patay sa isa ka barangay tanod sa Brgy. Cau-ayan, Pototan, Iloilo.
Ang biktima amo si alyas Rose, 34-anyos rersidente sang Brgy. Cau-ayan, Pototan.
Ang suspek amo si alyas Roger 59-anyos nga residente sang amo man nga lugar.
Sa interview sang Bombo Radyo kay PSMs. Nolie Peñarubia, imbestigador sang Pototan Municipal Police Station, iya ginpahayag nga ang suspek ang anay myembro sang Armed Forces of the Philippines (AFP) apang nag-AWOL.
Suno kay Peñarubia, may nagluntad nga pagbinaisay sa tunga sang biktima kag sang suspek tubtob nga naglab-ot sa pagpaniro.
Bangud diri, nag-agum sang patal nga pilas sa dughan kag tiyan ang biktima kag gindala pa sa hospital apang ginbawian man sang kabuhi.
Ginalantaw nga daan nga hiligut-anon ang nangin rason sang insidente.
Na-recover sang orotidad ang 5 ka mga basiyo sang bala kag ginapahayag .45 caliber pistol.
