Ginabanta nga masobra sa 40 ang patay matapos nagtibusok ang isa ka eroplano sa paluparan sang Aktau, Kazakhstan.
Isa ini ka Azerbaijan Airlines (AZAL) plane nga halin sa Baku padulong sa Grozny.
Nagpatigayon sang emergency landing ang eroplano matapos ang naeksperyensiyahan nga bird strike.
Sakay sini ang 67 ka tawo kalakip ang 62 ka pasahero kag lima ka crew members.
Bangud sa madamol nga fog sa Grozny airport, ang eroplano ang una nga na-redirect sa Makhachkala kag pagkatapos, nagdirekta ini sa Aktau.
Sa tion sang emergency landing, wala nakabaton sang clearance ang crew agud maghugpa sa Grozny.
Ang mga pasahero ang naghalin sa nagkalain-lain nga pungsod: 37 gikan sa Azerbaijan, 16 halin sa Russia, 6 halin sa Kazakhstan, kag 3 halin sa Kyrgyzstan.
Nagpalab-ot sang pagpakig-unong ang airline company sa mga pamilya sang mga biktima kag ginsiguro ang paghatag sang bulig.
Padayon ang imbestigasyon sa matuod nga kabangdanan sang aksidente.
