Liwat nga ipa-specify sang Iloilo City Council ang parte sang ordinansa sang syudad nga nagasakop sang Ungka Flyover sa Pavia, Iloilo.
Ini kasunod sang pagsaka sang wing van sa flyover apisar nga ginadumulian.
Sa interview sang Bombo Radyo kay Iloilo City Councilor Johnny Young, Chairman sang Committee on Engineering, Construction, and Public Works, iya ginpahayag nga may parte sang ordinansa ang syudad nga nagapatumod sa Ungka Flyover.
Suno kay Young, nagmandu na siya nga pabutangan sang signage ang flyover nga nagapakita sang ordinansa sang syudad.
Ginpahayag man sini nga magakonsulta ang komitiba sa legal agud nga ma-specify ang ordinansa para sa flyover.
Tuyo man sang natungdan nga gilayon mabutang ang signage agud malikawan nga may matuga pa nga mga insidente sa lugar.
