Maid-id nga ginarepaso ni President Ferdinand “Bongbong” Marcos Jr. ang ginaduso nga 2025 General Appropriations Bill agud masiguro nga nagasanto ini sa Konstitusyon.
Suno kay Executive Secretary Lucas Bersamin, ang presidente kag ang Gabinete sa karon (may yara man ukon wala sang mga panawagan) maid-id nga nagarepaso sang nagkalainlain nga mga butang sang GAA [General Appropriations Act] agud himuon ini nga nagasanto sa Konstitusyon, kag agud masiguro nga ang ang badyet nagahatag sang prayoridad sa mga mayor nga legasiya nga mga pagduso sang administrasyon.
Dugang pa ni Bersamin nga ang Presidente nangin labing mabinantayon sa pagprograma kag paggasto sang limited fiscal resources.
Ginalauman nga mapirmahan ni Marcos ang P6.352-trilyon nga proposed national budget para sa masunod nga tuig sa Disyembre 30, 2024.
Ang hagna una nga gintalana nga pirmahan sa Disyembre 20, apang wala ini naduso bangod hatagan sang dugang nga tion para sa isa ka maid-id nga pagrepaso.
Si Bersamin nagsiling anay nga ang pila ka mga butang kag probisyon sang national budget bill paga-veto sa interes sang kaayuhan sang publiko, agud magsunod sa fiscal program, kag sa compliance sa kasuguan.
