Pasado na sa Iloilo City Council ang extension sang 40% nga reduction sa Real Property Tax tubtob sa 2026.
Sa interview sang Bombo Radyo kay Iloilo City Councilor Rex Marcus Sarabia, chairman sang Committee on Appropriations, iya ginpahayag nga indi ma-deny nga kinahanglan sang syudad nga magpasaka sang buwis bangud sa Mandanas ruling kon sa diin, ang function sang national government ang na-download sa Local Government Unit (LGU).
Bangud diri, mapilitan ang syudad nga magpangita sang sources of funds para mapondohan ang mga reponsibilidad sang local nga panguluhan.
Gina-ako man sang natungdan nga nabatyagan man nila ang nangin reaksyon sang taxpayers ilabi na ang business community sang Iloilo City kasunod sang pagpalawig sang reduction sa Real Property Tax.
Suno kay Sarabia, ang koleksyon sa buwis ang pabor man sa publiko bangud gamiton ini sa ila benepisyo.
Nahibaluan nga ginpatuman ang reduction sang Real Property Tax umpisa sang 2024 matapos gin-update sang syudad ang value sang mga proyedad sini.
