Naka-record sang 13 ka mga fireworks related injuries ang Iloilo Provincial Health Office (IPHO) sa paghilapit sang bag-ong tuig.
Sa interview sang Bombo Radyo kay Dr. Rodney Labis, Chief sang Health Service Delivery Division sang Iloilo Provincial Health Office, iya ginpahayag nga kadam-an sa mga kaso ang naghalin sa banwa sang Miagao nga may tatlo ka mga kaso.
Suno kay Labis, tag-isa naman ang kaso nga na-record halin sa Ajuy, Barotac Nuevo, Barotac Viejo, Cabatuan, Concepcion, Lambunao, Oton, San Miguel, San Joaquin, Sta. Barbara, kag Sara.
Gin-athag man sini nga lunsay kalalakihan nga naga-edad isa tubtob pulo ka tuig comprising 77% sang total cases ang mga nakaangkon sang fireworks related injuries.
85% naman sa mga pasyente ang may injuries sa mata, nasunog, kag napiskan.
Kalabanan naman sa mga rason sang fireworks related injuries amo ang paggamit sang boga ukon improvised cannon.
