Nabungguan ang isa ka 22-anyos nga lalaki samtang nagatabok sa pedestrian lane sa porsyon sang General Luna St.
Ang biktima amo si John Paul Chiva, residente sang Ipil, Calinog, Iloilo.
Sa interview sang Bombo Radyo kay Arnel Precioso, isa ka vendor, iya ginpahayag nga pakadto kuntani sa Iloilo Provincial Capitol ang biktima sang nagtabok ini kag hinali lang nabungguan sang Toyota Veloz.
Dugang pa sang natungdan, gulpi man nag-minar ang salakyan sang nakalab-ot sa pedestrian lane, apang nalab-ot sini ang bitkima rason nga natumba ini kag nakaagum sang pilas sa kilid sang iya nawong kag tiil.
Gilayon nga gindala ang biktima sa ospital, samtang, nag-untat man ang driver sang salakyan kag padayon nga gina-imbestigaran sang katapo sang Traffic Enforcement Unit.
