Naghingyo ang Department of Agriculture (DA) sa consumers nga pilion ang lokal nga mga prutas sa baylo nga magbakal sang imported nga mga produkto.
Ini agud mabuligan ang local farmers kadungan sang ginalantaw nga pagsaka sang demand sa mga prutas para sa selebrasyon sang Bag-ong Tuig.
Suno kay Agriculture Assistant Secretary kag spokesman Arnel de Mesa, ginalauman na ang pagsaka sa retail price sang bilog nga mga prutas antes ang Enero 1.
Nakaandan na sang mga Pilipino ang pagpreparar sang at least 12 ukon 13 ka bilog nga mga prutas sa New Year’s eve bangud ginasimbolo sini ang maayo nga swerte kag mahamungayaon nga tuig.
Base sa monitoring sang ahensya sa Metro Manila markets, yara sa P60-P90 per kilo ang sandiya; pomelo, yara sa P80 and P250 per kilo; melon, yara sa P60 and P140 per kilo; avocado, yara sa P300 and P600 per kilo; mango, yara sa P150 and P300 per kilo; papaya, yara sa P60 and P90 per kilo.
Sa pihak nga bahin, ginpasalig man ni De Mesa nga wala sang problemahon sa suplay sang manok, baboy, kag karne tubtub sa New Year celebration.
Base sa monitoring sang DA, ang retail price sang pork shoulder ang nagatupa a P290 and P370 per kilo; pork belly, yara sa P330 and P410 per kilo; whole chicken, yara sa P185 and P230 per kilo; beef rump, yara sa P400 and P500 per kilo; beef brisket, yara sa P320 and P460 per kilo kag medium-sized eggs, yara sa P6.50 and P8 per piece.
