Nagpahanumdom ang Department of Transportation (DOTr) sa publiko nga hatagan sang bastante nga tion ukon oras magbiyahe para sa palaabuton nga year-end holidays.
Una na nga gin-anunsyo sang Malacañang ang mga masunod nga holidays: Disyembre 30 (Lunes) – Rizal Day, Disyembre 31 (Martes) – Katapusan nga adlaw sang tuig, kag Enero 1 (Miyerkules) – New Year’s Day.
Ini ang nagahimo sini nga isa ka malawig nga holiday weekend para sa madamo, sugod subong nga Sabado, Disyembre 28.
Ginhatagan man sang DOTr ang masunod nga mga tips sa mga travelers agud masiguro ang ila safety:
- Observe ang BLOWBAGETS – ang Battery, Lights, Oil, Water, Brakes, Air, Gas, Engine, and Tires, subong man ang Self ukon kaugalingon antes maghimo sang bisan ano nga pagbiyahe agud masiguro nga ang tanan yara sa maayo nga kondisyon.
- Indi mag-inom kag magmaneho.
- Planuha ang imo biyahe para makatipid sa gasolina kag oras.
- Magbalon sang malawig nga pasensya sa bug-os nga pagbyahe.
- Mag-update sa pinakaulihi nga balita sa panahon kag mga detalye sang imo pagbiyahe.
- Para sa mas madasig nga biyahe sa Metro Manila, testingan ang pagsakay sa tren.
- Maghanda sang pagkaon, tubig, kag mga bulong kon may ma-stranded.
Una na nga nagpaguwa ang Philippine Atmospheric, Geophysical and Astronomical Services Administration (PAGASA) sang bulletin nga ang Intertropical Convergence Zone (ITCZ) maga-trigger sang magal-umon nga kalangitan nga may lapta-lapta nga pag-ulan kag pagpanaguob sa Visayas, Caraga, Davao Region, Zamboanga Peninsula, Bicol Region, kag MIMAROPA.
Magluwas sa Ilocos Region, nabilin nga bahin sang Cagayan Valley kag CAR, ginapanugyanan ang mga residente sa mga lugar nga apektado sang weather systems nga mangin alerto sa posible flash floods ukon landslides bangud sang kasarangan tubtob mabaskog nga pag-ulan sa palaabuton nga weekend.
