Nagpaguwa sang statement si Azerbaijan President Ilham Aliyev nga direkta nga nagatudlo sa Russia nga amo ang nagpatibusok sang ila eroplano sang nagligad nga adlaw nga ginkamatay sang 38 ka mga tawo.
Santo sa nabalhag sa presidential website, ginpahayag sang presidente nga indi nila matumod kun hungod ang pag-atake sang Russia, apang ang kamatuoran amo nga nahimo nila ini.
“We can clearly say today that the plane was shot down by Russia. This is a fact,” pahayag sini sa televised interview. “No one can deny this fact. Again, we are not saying that this was done intentionally, but it was done.”
Sang amo nga tion, pakadto kuntani ang airliner sa Grozny sa Chechnya sa southern Russia apang nagpatigayon sang emergency landing malapit sa Aktau, Kazakhstan.
Base sa damage nga tuga sang shrapnel ukon debris, sunod nga ginpatihan nga gin-igu sang Russian air defense units ang eroplano.
Suno sa presidente, ginkakas naman subong ang alegasyon nga may birdstrike ang natabo.
“The fact that the fuselage is riddled with holes indicates that the theory of the plane hitting a flock of birds… is completely removed from the agenda,” dugang pa ni Aliyev. “It is possible that when the plane was damaged, when it was hit, the pilot could have perceived it as a collision with birds. Because it would probably never have occurred to anyone that our plane might be fired at from the ground while flying over a country friendly to us.”
Ginsiling man sang presidente nga gintago-tago pa sang Russia ang isyu.
Matandaan nga una na nagpangayo sang pasaylo si Russian President Vladimir Putin bangud sa amo nga hitabo, apang wala sang direkta nga pag-ako nga sila ang may sala.
Kahapon, Domingo, naghatag sang tribute ang Azerbaijan sa mga piloto kag mga pasahero sa eroplano.
Ginhatagan man sang full honors sa seremonya ang duha ka mga napatay nga piloto kag isa ka flight attendant bangud sa paninguha nga mapahugpa pa ang eroplano nga mapahagan-hagan ang casualties.
29 ang kumpirmado nga nakaluwas sa amo nga trahedya.
