ILOILO Naglab-ot sa 18 cases ang narekord nga firework-related injury sa Iloilo Province nga amo ang pinakamataas nga numero sa Western Visayas.
Ang Miagao ang may yara sang apat ka kaso nga narekord; duha sa Oton kag tag-isa sa Ajuy, Anilao, Barotac Nuevo, Barotac Viejo, Cabatuan, Concepcion, Dumangas, Lambunao, San Enrique, San Joaquin, Santa Barbara kag Sara.
Lunsay mga kabataan nga lalaki naman naga edad isa tubtob 10 ka tuig ang biktima sang palupok.
Nakaangkon sang eye injury ang 12 ka mga pasyente samtang anom ka kaso naman ang may blast injury nga may amputation.
Sa sahi naman sang palupok nga gingamit sang mga biktima, 11 sa ila ang naggamit sang boga, tatlo ang naggamit sang water cannon, duha ang naggamit sang triangle, isa ang naggamit sang camara kag isa ang naggamit sang unlabeled firecracker.
