Gin-ako sang isa ka dispatcher sa Ceres Terminal sa Barangay Buhang, Jaro, Iloilo City nga nag-gamay ang mga nagabyahe subong nga holiday season kon ikumpara sang nagligad nga tuig.
Sa interview sang Bombo Radyo kay Edgar Tomedo, dispatcher sang Vallacar Transit, iya ginpahayag nga mas kalma subong nga tuig ang dalagan sa mga byahero, apang padayon ang ila nga monitoring sa posibilidad nga pagdugok sang mga pasahero buwas nga adlaw.
Suno kay Tomedo, daw kaangay lang nga normal ang pagpauli subong sang mga pasahero sa tagsa ka probinsya.
Ginralagway man sini nga daw wala lang sang okasyon ukon indi holiday season ang kahimtangan sang ceres terminal.
