Naglab-ot sa 71 ang napatay sa southern Ethiopia matapos naglapaw ang ila ginasakyan nga truck kag nahulog sa suba.
Nagabyahe ang amo nga salakyan sa Sidama state sang natabo ang insidente.
Ginpahayag man nga halin ang mga pasahero sa isa ka wedding party.
Base sa traffic police, overloaded ang truck nga amo ang ginalantaw nga rason sang paglukso sini sa suba.
Nahibaluan nga linibo ka mga tawo ang nagakapatay sa Ethiopia kada tuig bangud sa mga aksidente sa dalan kun sa diin ginatumod nga rason ang overspeeding kag indi pagsunod sa mga layi sa trapiko.
