Duha ka tawo ang patay sa bungguanay sang duha ka motorsiklo sa Brgy. Salcedo, Sara, Iloilo.
Base sa imbestigasyon sang Sara Municipal Police Station, pakadto sa direksyon sang Concepcion ang Kawasaki nga motorsiklo nga may angkas nga duha ka tawo sang nabungguan sang kasugata nga Suzuki Raider nga motorsiklo.
Ginpahayag sang mga nakakita nga madasig ang pagpadalagan sang Suzuki Raider.
Suno sa otoridad, possible nga nadulaan sang kontrol ang driver sang Suzuki Raider rason nga nabungguan ang sugata nga motorsiklo.
Wasak naman ang Kawasaki nga motorsiklo kag nagtabog ang mga angkas sini.
Patal nga pilas sa ulo naman ang naangkon sang duha ka drivers nga ginpahayag wala sang ginasuksok nga helmet.
