Pilason ang isa ka magulang matapos ginlabo sang iya man lang nga manghod sa Sitio Duyan-duyan, Barangay Dagami, Maasin, Iloilo.
Ang biktima nagaedad sang 40 samtang 26-anyos naman ang suspek.
Suno sa Maasin Municipal Police Station, naga-inom-inum ang mag-utod kag isa pa nila ka upod, sa balay sang manghod.
Hinali lang nga ginsumbag sang magulang ang iya manghod.
Didto na nagsulod sa iya balay ang suspek kag may dala nga binangon kag ginlabo ang iya utod.
Base sa imbestigasyon, resulta lang sang kahulugbon ang natabo bangud maayo man ang pagtamdanay sang duha.
Preso na subong ang manghod samtang yara naman sa ospital ang iya magulang.
