Nagdangat sa 10 ka teenagers ang nasamaran sa shooting incident nga natabo sa guwa sang nightclub sa New York City sa Estados Unidos sang Amerika.
Suno sa New York Police Department, ginabanta 15 ka mga tawo ang nagabantay sa guwa sang Amazura Concert Hall sa Jamaica, Queens pasado alas onse sang gab-i agud maghulat sa isa ka pribado nga kahiwatan.
Sunod nga may nag-abot nga apat ka mga lalaki kag nagpangluthang.
Ginabanta 30 ka mga lupok ang nabatian antes nagpalagyo ang mga suspek kag nagsakay sa sedan nga may out-of-state plates.
Ginkumpirma naman sang kapulisan nga 16 to 20 years old ang edad sang mga biktima kag subong yara sa ospital apang indi man kritikal ang mga kondisyon.
Padayon pa subong ang imbestigasyon sa amo nga insidente.
Natabo ini matapos ang krimen sa New Orleans kun sa diin gin-arado sang truck ang mga tawo kag 15 ang patay. Sa Las Vegas naman, isa ka Tesla truck ang nagsigabong sa guwa sang Trump hotel kun sa diin pito ang pilason kag patay ang driver matapos ginluthang ang iya kaugalingon.
