Napatay na ang five-time Olympic champion kag Hungarian gymnast nga si Agnes Keleti nga amo ang ginakilala nga pinakatigulang nga nagkabuhi nga Olympic gold medalist.
Base sa kumpirmasyon sang Hungarian Olympic Committee, nagtaliwan si Keleti sa edad nga 103.
Nabun-ag siya bilang si Agnes Klein sa Budapest sang Enero 9, 1921 kag nagsulod sa National Gymnastics Association sang 1938.
Nadag-an sini ang iya una nga Hungarian championship sang 1940, apang sang amo man nga tuig, gin-ban siya sa tanan nga sports activities bangud sa iya nga Jewish origin.
Nakapalagyo si Keleti sa deportation sa Nazi death camps ukon ang mga kampo kun sa diin linibo ka Hungarian Jews ang ginpangpatay.
Sang naga-edad sang 31, nadag-an sini ang iya una nga Olympic gold sa Finland apisar nga ini nga edad amo ang masami nga edad kun sa diin naga-retiro na ang iban nga gymnasts. Sa Australia, nadag-an sini ang apat ka Olympic gold medals kag nangin oldest female gymnast nga nakadaog sang bulawan nga medalya.#
