Mas pabaskugon pa sang Iloilo City Police Office (ICPO) ang kampanya batok sa iligal nga boga ukon improvised cannon subong nga tuig.
Sa interview sang Bombo Radyo kay PMAJ. Shella Mae Sangrines, Spokesperson sang Iloilo City Police Office, iya ginpahayag nga kalabanan subong nga nabiktima sang boga ang naga-edad isa tubtob pulo ka tuig.
Suno kay Sangrines, out of curiosity ang rason kon ngaa naga-engage ang kabataan sa paggamit sang improvised cannon.
Ginpahayag man sini nga sa pito nga kabug-usan sang kaso sang firecracker related injuries sa Iloilo City, apat diri ang bangud sa paggamit sang boga.
Nagpanugyan man ini sa mga ginikanan nga i-supervise ang ila kabataan nga likawan ang paggamit sang improvised cannon agud nga indi na mahalitan pa.
