Naglab-ot sa third alarm ang sunog nga nagluntad sa Barangay Tacas, Jaro, Iloilo City.
Sa interview sang Bombo Radyo kay Glen Poral, residente sang nasambit nga lugar, iya ginpahayag nga dako ang iya pagpasalamat nga wala gid tuman naapektohan sang sunog ang iya balay.
Suno kay Poral, ubos gid lamon sang kalayo ang balay sang iya mga utod.
Apang, nagapasalamat siya sa gihapon bangud wala sang may napilasa sa iya pamilya samtang nagapalagyo sa sunog.
Ginkakibot man sang natungdan ang singgitan sang ila kasilingan nga may sunog rason nga gilayon siya napadulong sa Bureau of Fire Protection (BFP) Jaro.
Ginkasubo man sini ang mga natupok nga balay bangud halos sa ila ang wala sang may nasalbar.
Padayon naman nga ginaimbestigaran sang Bureau of Fire Protection ang insidente agud matumod ang ginhalinan sang kalayo kag ang balor nga nahalit sini.
Sa insyal nga impormasyon sang talatapan, yara sa 14 ka mga balay ang totally burned bangud sa nagluntad nga sunog.
