Nagpanindugan ang asawa sang lalaki nga una ginpa-Bombo bangud sa pagpanghampak sini sang kabilya sa gate sang pamilya Semeniego sa Brgy. M.V. Hechanova, Jaro, Iloilo City nga gin-ubra lamang sang kapulisan ang ila trabaho.
Sa interview sang Bombo Radyo kay Marites Roscales, asawa sang ginpa-Bombo, iya ginpahayag nga wala sang dapat nga i-reklamo batok sa mga kapulisan sang Iloilo City Police Station 3 bangud gin-ubra lamang nila ang ila nga obligasyon.
Suno kay Roscales, naglain lamang ang buot sang pamilya ni Engineer Brian Semeniego bangud wala naaresto ang iya bana.
Gin-athag man sini nga nakita sang kapulisan nga indi man dapat pagpresohon ang iya bana rason nga wala ini gindala sa police station.
Ginpahayag man ni Roscales nga mismo ang pamilya Semeniego ang nagabayolar sang layi sang barangay apang sila man ang naga-complaint.
Gin-kwestyon man sini si Engr. Semeniego sa iya propesyon bangud mismo si Semeniego ang nagtapik sang ila tarog sa puluy-an nanday Roscales.
Ginbuyagyag man sang natungdan nga pareho lang man sila nga mga illegal settlers sa lugar kag wala nagabayad sang tax apang wala nagasunod ang mga Semeniego sa ila ginpirmahan sa barangay.
