Ginapasanyog sang Iloilo provincial government ang 5Rs sang waste management pareho sang reduce, reuse, recycle, repurpose, kag rot para madugangan ang ihibalo sa nagakaigo nga pamaagi sa pagbuhin sang mga solid wastes.
Ini ang kaangot man sa pag-obserbar sang Zero Waste Month subong nga bulan sang Enero.
Sa interview sang Bombo Radyo kay Mitz Peñaflorida, Senior Environmental Management sang Provincial Environment and Natural Resources Office (PENRO), iya ginpahayag bilang kabahin sang selebrasyon sang Kasadyahan sa Kabanwahanan 2025, ang talatapan ang magahiwat man sang monitoring kag evaluation sang pagsunod sa nagakaigo nga solid waste management humalin Enero 20 tubtob 26.
Suno kay Peñaflorida, sa Enero 31, may yara sang learning exposure kag benchmarking sang mga solid waste management technologies kag pasilidad nga ginapatuman sang probinsya.
Ini ang ginalakipan sang Tapon to Ipon Project nga nagatuyo sa pagtipon sang clear bottles kag i-recycle paagi sa mga collection hub nga gintukod sa pila ka mga munisipalidad.
Nahibaluan nga ang Iloilo, 38 sa 43 ka mga local government units, may yara na sang existing ordinance nga naga-regulate sa paggamit sang single-use plastics.
