Naghilibion ang isa ka residente sang Barangay Rizal, Lapuz, Iloilo City matapos nga nalakip sa sunog ang iya balay.
Sa interview sang Bombo Radyo kay Jahn-Riz Benasa, residente sang nasambit nga lugar, iya ginpahayag nga bag-o lang gid siya nakapauli halin sa iya ulobrahan sang wala na sini maabtan ang iya balay.
Suno kay Benasa, abo na sang iya nakit-an ang duha nila ka mga balay.
Wala man sini napunggan nga magtulo ang iya luha matapos nga nagluntad ang sunog.
Sa piyak sini, nagapasalamat sa gihapon ang natungdan bangud sa hilway sa kasablagan ang iya pamilya matapos nga nakaguwa gilayon sa ila balay.
Nagpanawagan man ini sa mga may bulawanon nga tagipuso-on agud sila ang mabuligan sa labing-una nga insidente nga natabo sa ila subong nga 2025.
