Preparado ang Iloilo City Police Office (ICPO) sa patigayonon nga Opening Salvo sang Kasadyahan sa Kabanwahanan sang Dinagyang Festival 2025.
Sa interview sang Bombo Radyo kay Police Colonel Kim Legada, Director sang Iloilo City Police Office, iya ginpahayag nga kahapon nga adlaw, lakip ang kapulisan sa nagsekyar sang venue sang mga competing group.
Suno kay Legada, masobra 100 ang i-deploy sang ila talatapan sa palibot sang syudad subong nga hapon agud nga mapabilin nga malinong ang kahiwatan.
Ginpahayag man sini nga nagkoordinar ang ila talatapan sa Iloilo City Traffic Management Unit (ICTMU) agud nga mapasigurado ang dalagan sang trapiko samtang nagapadayon ang aktibidad.
Nagalaum man si Legada nga mangin matalunsay ang road closure sa pila ka dalan sa city proper.
