Nagpanindugan si Iloilo City Mayor Jerry Treñas nga wala naglapas sa freedom of expression ang ginpaguwa sini nga Executive Order 167 nga nagadumili sa political colors nga posible magamit sa Dinagyang Festival 2025.
Sa interview sang Bombo Radyo kay Joy Fantilaga, spokesperson ni Mayor Treñas, iya ginpahayag nga ang order nagapasigurado lamang nga ang aktibidad ang indi magamit sa political slogans kag propaganda nga naga-promote sa isa ka pulitiko.
Suno kay Fantilaga, may concerns nga naglab-ot sa ila talatapan nahanungod sa pagpaguwa sang alkalde sang mando.
Gin-athag man sang natungdan nga wala nagabalabag ang order sa freedom of expression kon sa diin, ang scope sini ang limited lamang sa paragraph A to D sang EO.
Ini agud nga mapasiguro man indi mahatagan sang duag sang politika ang religious activity.
Nahibaluan nga sa paragraph A, B, C, and D section 1, ginabawal ang mga election materials kaangay sang printed kag visual materials nga may itsura kag pangalan sang mga kandidato.
