Nangin matalunsay ang dalagan sang trapiko sa Iloilo City Proper sa pihak sang road closure nga ginpatuman sang syudad kasunod sang Opening Salvo sang Dinagyang Festival 2025.
Sa interview sang Bombo Radyo kay Benji Molina, Traffic Aide, iya ginpahayag nga nagasunod man ang mga motorista sa ila nga mga instructions kag wala man nagabayolar.
Nagpanawagan man ini sa mga driver nga sundon ang mga pagsulundan agud nga indi na makatuga sang huol sa iba kag sa kahiwatan.
Suno kay Molina, sa subong, indi pa man makabig ang trapiko nga heavy ukon may pagpugok.
Ginalantaw man sang natungdan nga posible maglab-ot pa sa alas-10 karon sa gab-i ang amo nga closure tubtob indi matapos ang kahiwatan.
