Gin-ulan sang palamangkotanon ang Iloilo Festivals Foundation, Incorporated (IFFI) matapos nga wala nila nabutang sa ila post ang number sang tickets nga mahimo mapanagtag para sa Miss Iloilo.
Sa interview sang Bombo Radyo kay Joyce Clavecillas, executive director sang Iloilo Festivals Foundation, Incorporated, iya ginpahayag nga may mga ‘certain limits’ sa numero sang tickets bangud man sa capacity sang venue nga amo ang Cultural Center sa West Visayas State University.
Suno kay Clavecillas, nag-release ang talatapan sang 500 ka Miss Iloilo tickets sa publiko kag kadam-an diri ang nagkadto sa mga kandidata ilabi na sa ila supporters, pamilya, sponsors, kag local government units (LGU).
Gin-athag man sini nga may mga limitasyon sa paghatag sang tickets bangud sa number of seats sang venue.
Nagpasalig man ang natungdan nga apisar sang wala ang iban nakakuha sang tickets, may live streaming ang talatapan agud mahimo makalantaw ang tanan.
