Hatagan sang special attention sang Commission on Elections Region 6 ang banwa sang Calinog, Iloilo kasunod sang nalakip ini sa red category list para sa 2025 midterm elections.
Sa interview sang Bombo Radyo kay Atty. Wil Arceño, Asst. Regional Director sang Commission on Elections Region 6, iya ginpahayag nga may mga factors nga ginkosiderar rason nga ginpaidalom sa red category ang nasambit nga banwa.
Suno kay Arceño, indi buot silingon nga kon yara sa red category ang isa ka banwa mapabilin lang ini sa amo nga posisyon bangud posible pa ini magbag-o samtang nagahilapit ang eleksyon.
Gin-athag man sini nga magapabilin nga yara sa evaluation ang banwa kag mahimo pa nga maglain ang status sini.
Nahibaluan nga sa bilog nga Western Visayas, ang Calinog ang nagaisahanon nga banwa sa idalom sang “red category” nga amo ang highest level sang election-related security concerns.
