Naghatag sang kadungganan sa Pilipinas ang isa ka Pinoy nurse matapos nakabaton sang pasidungog sa England sa United Kingdom.
Ini amo si Darvey Clint Gario, sang Valderrama, Antique kag graduate sa West Visayas State University College of Nursing sang 2014.
Si Gario ang nagatrabaho sa subong bilang Cardiac Charge Nurse sa The Harley Street Clinic, ang world-leading private hospital sa UK nga naga-specialize sa cancer care, cardiology, kag complex surgery.
Sa interview sang Bombo Radyo kay Gario, iya ginpahayag nga pito ka tuig na siya nga nagatrabaho bilang nurse sa England kag ang paghatag sa iya sang National Health Service (NHS) England Chief Nursing Officer – Silver Award for an Outstanding Service to Nursing ang tuman niya nga ginapasalamatan.
Suno kay Gario, tatlo ka tuig na siya nga nagatrabaho sa The Harley Street Clinic sa diin utang niya diri ang iya mga nalab-ot sa subong.
Ginapabugal man sini nga naghatag ini sang dungog sa Pilipinas kag sa mga kaangay niya nga nagtrabaho sa health servce.
