Nagsaka na sa 16 ang patay, 150,000 ang na-displace, kag masobra 12,000 ka mga estruktura ang natupok sang kalayo bangud sa nagapadayon nga wildfires sa Los Angeles, California, USA.
Magluwas sa mga napatay, gin-report man ni Sheriff Robert Luna sang Los Angeles County nga may 16 man nga missing sa area kun sa diin nagakatabo ang duha sa pinakadako nga sunog.
Ginalantaw man sini nga mas magataas pa ini nga numero ilabi na bangud nag-isyu ang National Weather Service sang red flag warnings para sa possible nga paglala sang sunog tubtub sa Myerkules.
Gina-forecast nga magabaskog ang hangin tubtub sa 50 mph (80 kph) kag may pagmadlos sa mga kabukiran nga tubtub sa 70 mph (113 kph).
Magluwas sa fire authorities halin sa California, nagabulig ang crew halin sa siyam ka iban pa nga states agud mapalong ang kalayo.
Lakip diri ang 1,354 fire engines, 84 aircraft kag masobra 14,000 personnel lakip na ang ginpadala sang Mexico agud magbulig man sa Estados Unidos.
Nagpaulan naman sang kritisismo si US President-elect Donald Trump sa mga opisyal sang California nga iya gintawag nga incompetent. Ginapatuhuyan sini ang Democratic governor nga si Gavin Newsom nga nagsabat naman nga kun magbato siya sa mga insulto ni Trump, pat-od nga isa ka bulan gid ang iya uyangon sa iya nga tyempo.#
(AP Photo/John Locher)
