Nangin matalunsay ang paghiwat sang National Rally for Peace sang Iglesia Ni Cristo (INC) sa Iloilo City.
Sa interview sang Bombo Radyo kay Police Major Shella Mae Sangrines, tigpamaba sang Iloilo City Police Office (ICPO), iya ginpahayag nga wala sang mga insidente ang na-record sang ila talatapan sa bahin sang peace and order.
Suno kay Sangrines, naglab-ot sa estimated 18,000 ka mga myembro sang Iglesia Ni Cristo nga naghalin sa nagkalain-lain nga parte sang Western Visayas ang nagpadulong sa syudad.
Ginpabugal man sini nga naplantsa sang maayo ang preparasyon sa aktibidad lakip na ang dalagan sang trapiko.
Ini bangud man suno sa natungdan sa pagkoordinar sang talatapan sa Public Order and Safety Management Office (POSMO).
Nahibaluan nga as of 3AM kahapon nga adlaw, nagpatuman na ang ICPO sang paneling agud nga masekyar ang venue kag malikawan ang ano man nga sahi sang pagpamahog sa seguridad.
