Ginpasigurado sang Iloilo City Police Office (ICPO) nga wala sang pasin-ohon ang talatapan sa mga nagalapas sa election gun ban para sa 2025 midterm elections nga nagsugod sang Enero 12, 2025.
Sa interview sang Bombo Radyo kay Police Major Shella Mae Sangrines, spokesperson sang Iloilo City Police Office (ICPO), iya ginpahayag nga ‘no is above the law’ bangud bisan ang mga kapulisan ang pagadakpon kon maglapas sa gun ban nga ginapatuman sang Commission on Elections (COMELEC).
Suno kay Sangrines, bisan pa nga may permit to carry firearms, suspendido sa gihapon kasunod sang ginpaguwa nga tikang.
Gin-athag man sini nga sa mga checkpoint, ang visual inspections lang ang ginatugotan.
Ginadumilian ang mga pulis sa pagbukas sang vehicle’s trunk ukon glove compartment sang salakyan, subong man ang pag-require sa mga driver kag pasahero nga magpanaug kag usisaon.
Ang gun ban ipatuman tubtob Hunyo 11, 2025, sa idalom sang Commission on Election (Comelec) Resolution No. 11067, sa tuyo nga mabuhinan ang election-related violence.
