Ginpasakaan na sang kaso nga paglapas sa Republic Act 7166 ukon violation of COMELEC gun ban kag Republic Act 10591 ukon ang Comprehensive Firearms and Ammunition Act ang driver nga nag-arado sa mga stall sang vendors sa Jaro.
Ang arestado amo si Ryan Anthony Jugao Soliva, 41, high school graduate, Businessman, kag residente sang Barangay Tabuc Suba, Jaro, Iloilo City.
Sa interview sang Bombo Radyo kay Police Captain Gimel Acuesta, hepe sang Iloilo City Police Station 9, iya ginpahayag nga may mga previous nga kaso ang driver kapareho man sa kaso niya subong, apang suno sa iloy sini, na-dismiss na.
Ginpahayag man ni Acuesta nga sa ila bahin, amo pa lang ini ang tion nga na-kasohan ang driver.
Nahibaluan nga una napasakaan sang kaso ang driver sa Butuan City sa Agusan Del Norte kasunod man sa pagbayolar sini sang mga nasambit nga layi.
Suno kay Acuesta, wala sang dokumento ang mga armas nga nagapamatuod nga ini lisensyado rason man nga makabig ini nga iligal.
